დღეს 2024 წლის 10 ივნისია, ორშაბათი. ამ დღეს პლანეტა მთვარე მფარველობს.
ეს დღე ჩვეულებრივი რუტინული სამუშაოსთვის არ გამოდგება. შესაძლებელია სირთულეები თვითორგანიზებულობასთან, აპათიასთან დაკავშირებით, გახასიათებთ ურთიერთსაწინააღმდეგო მოქმედებები, მათ შორის, ფულის მიმართ. სამაგიეროდ, საქმიანობა კრიტიკულ და დაძაბულ ვითარებაში შესანიშნავ შედეგებს მოგცემთ.
არცთუ სახარბიელო დღეა რომანტიკული შეხვედრებისა და ნაცნობობისთვის. ვნებათა მორევში გადაშვებას გირჩევნიათ მშვიდი და ოჯახური გარემოს შექმნა, რაც ზედმეტ მორალურ ან ფიზიკურ დატვირთვას არ მოითხოვს.
ვერძი: თქვენს თავში დამკვიდრდება აზრი, რომ სტატუსი – ეს ფულია და თან, რაც მეტია ფული, მით უფრო მყარია თქვენი მდგომარეობა საზოგადოებაში. დღემ, შესაძლოა, იმაზე ფიქრში ჩაიაროს, თუ როგორ გამდიდრდეთ. სამწუხაროდ, დღეს რეალურად გამდიდრების შანსი ცოტაა. სამაგიეროდ, კარგი დღეა ურთიერთობებისა და ადამიანების გაცნობისთვის. არაა გამორიცხული, რომ ერთ–ერთი ასეთი ნაცნობობა პერსპექტიული აღმოჩნდეს.
კურო: თუ გუშინ ან გუშინწინ რაღაც დიდი საქმე წამოიწყეთ სახლში, დღეს ეს საქმე საოცრად მსუბუქად, შეუფერხებლად განვითარდება. ხოლო სხვა დანარჩენში – რა გითხრათ, რომ იტყვიან, ყველაფერი ხელიდან გაგივარდებათ, ეს თქვენთვის ერთგვარი წამება და ნერვების გამოცდა იქნება. ტორტზე და რამე სხვა რთულად გასაკეთებელ საჭმელზე რომ არაფერი ვთქვათ, ერბოკვერცხიც კი შეიძლება დაგეწვათ. ასე რომ, აჯობებს, სახლის საქმეები მინიმუმამდე დაიყვანოთ.
ტყუპი: სულისა და ენთუზიაზმის არნახულ აღმასვლას იგრძნობთ, რაც ხანდახან უადგილოც კი იქნება. ზოგჯერ სხვადასხვა გმირობის ჩადენის სურვილი გაგიჩნდებათ, მაგრამ მათი განხორციელება უკუეფექტს მოიტანს. თუ არ გინდათ, ამ სურვილების რეალიზებისას ცხვირი წაიტეხოთ, როგორმე დაიოკეთ საქმიანობის მოჭარბებული წყურვილი.
კირჩხიბი: რისკავთ, რომ საკუთარ ტყავზე გამოსცადოთ ცხოვრებით ტკბობის მთელი სიმძიმეები. განსაკუთრებით რთული იქნება, გაუძლოთ მაღალკალორიული კერძისა და ამით ფიგურის გაფუჭების ცდუნებას. თუ ჭარბ კილოგრამებს ებრძვით, ჯობს, საერთოდ არ გამოჩნდეთ ისეთ ადგილებში, სადაც მადისაღმძვრელი სუნი ტრიალებს. და თავს ნუ მოიტყუებთ, თითქოს ერთი ნაჭერი არაფერს გიზამთ – სადაც ერთი, იქ კიდევ რამდენიმე ნაჭერიც იქნება.
ლომი: დღე ჩაივლის ცნობილი დევიზით: „ყველაფერი ან არაფერი“. და არავინ იცის, აქედან რომელი ჯობია. თუ გადაწყვეტთ, რომ საერთოდ არაფერი გააკეთოთ, დღე, რა თქმა უნდა, მიღწევების გარეშე, თუმცა, მშვიდად ჩაივლის. მაგრამ თუ საქმიანობას შეუდგებით, ისეთ „ქარბუქს“ დააყენებთ და ორომტრიალს მოიტანთ, ვერავინ ვერაფერში ვერ გაერკვევა. იქნებ, ჯობია, არაფერი გააკეთოთ?
ქალწული: პასიური და მოდუნებული იქნებით და სხვათა შორის, ეს ჰარმონიული პასიურობა იქნება. ვარსკვლავები არც მოითხოვენ თქვენგან ჭარბ ენერგიულობას და ამის სურვილი არც თქვენ არ გექნებათ. შეძლებისდაგვარად მოდუნდეთ და არაფერი გააკეთოთ – ეს ყველაზე სწორი გადაწყვეტილება იქნება, რადგან ნებისმიერ აქტიურობას თქვენი მხრიდან, სამწუხაროდ, მხოლოდ ქაოსის მოტანა შეუძლია.
სასწორი: დილიდანვე არ მოგასვენებთ რამე გლობალური იდეა. ამაზე მთელი დღე იფიქრებთ, მაგალითად იმაზე, თუ როგორ იზრდება ნაყოფი მუცელში, თუმცა, საღამომდე ამ იდეიდან ვერაფერ საინტერესოსა და „გენიალურს“ ვერ დაბადებთ. თუ შეძლებთ ემოციურ მდგომარეობასთან გამკლავებას, თავიდან აირიდებთ უსიამოვნებებს ირგვლივ მყოფებთან, შეძლებთ დასახულ ამოცანებზე მუშაობას და წარმატებებსაც მიაღწევთ.
მორიელი: მთელი დღე უკმაყოფილების გრძნობა გაგყვებათ. ჩვეულებრივი, ყოველდღიური საქმეები შეფერხდება, რაც ოპტიმისტურად ნამდვილად არ განგაწყობთ. დიდი ალბათობით, თქვენი გაღიზიანების სხვებზე გადატანის სურვილი გაგიჩნდებათ, მაგრამ ეს არ უნდა გააკეთოთ, რადგან ამას დადებითი ეფექტი არ ექნება, ხოლო ურთიერთობებს კი გააფუჭებთ. ეცადეთ, ეს დღე, უბრალოდ, „გადააგოროთ“.
მშვილდოსანი: დღეს დიდი სურვილი გექნებათ, ირგვლივ მყოფები რამით დააინტერესოთ, მაგრამ ამის გაკეთება არაფრით არ ღირს. ჯერ ერთი, ვინმეს „შეჯანჯღარება“ დღეს ძალიან რთული იქნება, მეორეც, თუ ამას მოახერხებთ, შედეგი სულ არ აღმოჩნდება ისეთი სასიხარულო, როგორც თქვენ წარმოგიდგენიათ. ამიტომ აჯობებს, დღეს არავის არ შეეხოთ და საკუთარ საქმეებს მიხედოთ.
თხის რქა: დღეს უზარმაზარი ენერგეტიკული პოტენციალი გექნებათ, დინამიტის მსგავსი. საკითხი ისაა, თუ რაში გამოიყენებთ ამ ენერგიას. თუ თქვენი მჩქეფარე საქმიანობა სასარგებლო კალაპოტში იქნება მიმართული, ერთ დღეში იმდენის გაკეთებას მოახერხებთ, რისთვისაც სხვებს შეიძლება მთელი თვე დასჭირდეთ, და თუ ენერგიას არასწორად გამოიყენებთ, სავალალო შედეგები შეიძლება მიიღოთ.
მერწყული: გექნებათ იშვიათი შესაძლებლობა, რომ არაფერი აკეთოთ. მოვლენები შეგიძლიათ დინებაზე მიუშვათ. ჯერ ერთი, იმიტომ, რომ ამაზე ვერანაირ გავლენას ვერ მოახდენთ. და მეორეც, მოვლენებზე გავლენის მოხდენის ნებისმიერი მცდელობა ქაოსითა და ორომტრიალით დასრულდება. თქვენი ჩარევის გარეშე კი ყველაფერი მოგვარდება – თუნდაც მოგვიანებით.
თევზები: დღეს საკუთარ თავში, შესაძლოა, გენერლის უნარები აღმოჩინოთ. ყოველ შემთხვევაში, დღის განმავლობაში ბრძანებების გაცემის სურვილი რეგულარულად გაგიჩნდებათ. ამასთან, ირგვლივ მყოფების აუჩქარებლობა და მოვალეობების შეუსრულებლობა თქვენში გაკვირვებასა და გაღიზიანებას გამოიწვევს. და რაც მთავარია, თქვენც, ისევე,როგორც გენერლებს სჩვევიათ, დინჯად და აუჩქარებლად იმოქმედებთ.