ქობულეთში ახალგაზრდა მამაკაცი მოკლეს - პოლიციამ ეჭვმიტანილი ცხელ კვალზე დააკავა

თბილისი, 24 მარტი– Sputnik. შინაგან საქმეთა სამინისტრომ ქობულეთში 31 წლის მამააკცის მკვლელობის საქმეზე ერთი პირი დააკავა.

გავრცელებული ინფორმაციით, პოლიციამ 47 წლის მამაკაცი, რომელიც წარსულში ნასამართლევია, განზრახ მკვლელობის ბრალდებით დააკავა.

გამოძიებით დადგინდა, რომ ბრალდებულმა, არსებული უთანხოების ნიადაგზე, ნაცნობ პირს ცეცხლსასროლი იარაღით ჭრილობები მიაყენა და შემთხვევის ადგილიდან მიიმალა. დაჭრილი მამაკაცი საავადმყოფოში მიყვანიდან მალევე გარდაიცვალა.

სამართალდამცველებმა ეჭვმიტანილი ცხელ კვალზე ქობულეთში დააკავეს. ბრალის დამტკიცების შემთხვევაში მას 10 -დან 15 წლამდე პატიმრობა ემუქრება.

გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.