თბილისი, 12მარტი — Sputnik. რუსეთში საპრეზიდენტო არჩევნებთან დაკავშირებული გამოკითხვების, პროგნოზებისა და კვლევის შედეგების გამოქვეყნების აკრძალვა ძალაში სამშაბათს, 12 მარტს შევიდა.
შესაბამისი ნორმა გაწერილია კანონში „არჩევითი უფლებების ძირითადი გარანტიებისა და რეფერენდუმში რუსეთის ფედერაციის მოქალაქეთა მონაწილეობის უფლების შესახებ“.
მოთხოვნის თანახმად, კენჭისყრის ბოლო დღემდე ხუთი დღის განმავლობაში, ასევე კენჭისყრის დღეებში (2024 წლის 12-17 მარტი) იკრძალება საზოგადოებრივი აზრის გამოკითხვის შედეგების, არჩევნების შედეგების პროგნოზებისა და არჩევნებთან დაკავშირებული სხვა კვლევების გამოქვეყნება. ასევე აკრძალულია მათი განთავსება საინფორმაციო და სატელეკომუნიკაციო ქსელებში, რომლებზეც წვდომაც შეზღუდული არ არის პირთა გარკვეული წრისთვის.
ახლა საპრეზიდენტო საარჩევნო კამპანიაში, რომელმაც სტარტი 17 თებერვალს აიღო, მედიაში აგიტაციის პერიოდი მიმდინარეობს. იგი კენჭისყრის დღემდე, ადგილობრივი დროით 00:00 საათამდე გაგრძელდება.
რუსეთის ფედერაციის საბჭომ საპრეზიდენტო არჩევნები 2024 წლის 17 მარტს დანიშნა. კენჭისყრა სამი დღე გაგრძელდება - 15,16 და 17 მარტს.
სახელმწიფოს მეთაურის პოსტისთვის რუსეთის ფედერაციის ცენტრალური საარჩევნო კომისიის მიერ რეგისტრირებული ოთხი კანდიდატი იბრძოლებს: ლეონიდ სლუცკი, ნიკოლაი ხარიტონოვი, ვლადისლავ დავანკოვი და ვლადიმირ პუტინი.