„ბრძნული გამონათქვამები“ გთავაზობთ ფრანგი მწერლის, ერვე ბაზენის (Hervé Bazin, 1911–1996. ნამდვილი სახელია ჟან–პიერ ერვე–ბაზენი Jean-Pierre Hervé-Bazin) გამონათქვამებს. ბაზენი იყო წინააღმდეგობის მოძრაობის მონაწილე, გონკურის აკადემიის წევრი და პრეზიდენტი. ლიტერატურული შემოქმედებისათვის მინიჭებული აქვს მონაკოს დიდი ლიტერატურული პრემია.
მისი ნაწარმოებებია: ლექსების კრებული „განწყობილებანი“, რომანები: „ერთ ცეცხლს გაანელებს მეორე ცეცხლი“, „რეზოს ოჯახი“, „პატარა კვიცის სიკვდილი“, „აღდეგ და ვიდოდე“, „ვაჟიშვილის გულისთვის“, „ცოლქმრული ცხოვრება“, ნოველების კრებულები: „ქორწინებათა ბიურო“, „ქუდი მოიხადეთ“ და სხვ
• ქალი მამაკაცს კისერზე მხოლოდ მაშინ უნდა ჩამოეკიდოს, როდესაც ამ კისერს ღირსეული თავი აბია.
• ბედნიერებას არ ეძებენ, როგორც ოქროს ან მოგებას. მას თავადვე ქმნიან ისინი, ვისაც ჰყოფნის ძალა, ენერგია და სიყვარული.
• თითოეულ ნიჟარას ჰგონია, რომ მასში მარგალიტია.
• მაგრამ გახსოვდეთ საკუთარი თავი: თითოეული თავადაა საკუთარი თავის დოპინგი.
• ქორწინება ალყაშემორტყმულ ციხესიმაგრეს ჰგავს; ვინც შიგნითაა, იქიდან თავის დაღწევა უნდა, ხოლო ვინც გარეთაა — შიგნით შეჭრა
• ნებისმიერი სევდა შიშით ელოდება თავის ბოლოს და საშინელების განცდით ფიქრობს იმ დღეზე, როდესაც ტკივილი უკვალოდ გაქრება. ასევე სიძულვილსაც ყველაზე მეტად საკუთარი თავისგან გათავისუფლების ეშინია და სულ თავისივე კუდსა კბენს…
• ბედნიერება დიდებული რამაა! იყო უბედური – ძალზე იოლია, სულელური, ყველასთვის ხელმისაწვდომი! გინდოდეს, უბედური იყო ან, უბრალოდ, მიიღო უბედურება – ეს ნიშნავს, რომ არაფერი გინდა.
• ცილისწამება – უძლურების უკანასკნელი თავშესაფარია.
• არის დღეები, როცა აცნობიერებ, რომ მიჯაჭვულობა ნარკოტიკს ჰგავს: მას ტყვეობაში ჰყავხარ, ის ძვირი გიჯდება, არასდროს გაკმაყოფილებს ბოლომდე, და მაინც, როცა ის ქრება, იტანჯები.
• შინაგან მარტოობას, შესაძლოა, ძალიან ესაჭიროებოდეს გარეგანი მარტოობაც.
• უფრო და უფრო ნაკლები გექნება ის, რასაც უფრო და უფრო მეტს დაეუფლები.
• მას, რასაც დასასრული არა აქვს, არც ფასეულია.
• ის, ვინც არაფერს ითხოვს, ხანდახან მეტს იღებს.
• იგებს ის, ვინც ყველაფერს კარგავს.
• იქ, სადაც ვალდებულება იბადება, არჩევანი კვდება.
• მიწა, ქალის მსგავსად, ეკუთვნის არა იმას, ვინც მას თავისად მიიჩნევს, არამედ იმას, ვინც მას დაეუფლება.
• განქორწინება ქირურგიულ ოპერაციას ჰგავს – ყოველთვის არასასიამოვნოა, მაგრამ – აუცილებელი.
• ქალის პირველი ბავშვი მამაკაცია, რომელიც უყვარს.
• ირონია ასატანია მხოლოდ მცირე დოზით, როგორც წიწაკა..