თბილისი, 10 იანვარი – Sputnik. პენსიონერებს, ასევე კონკრეტული დაავადებისა და სტატუსის მქონე მოქალაქეებს, ქრონიკული დაავადებების სამკურნალო უფასო მედიკამენტები გადაეცემა, ნათქვამიასაქართველოს ჯანდაცვის სამინისტროს განცხადებაში.
საქართველოში ქრონიკული დაავადებების მქონე 400 ათასი პენსიონერია. აღნიშნული პროექტი საყოველთაო ჯანდაცვის პროგრამის ფარგლებში ხორციელდება. მედიკამენტები მთელი წლის განმავლობაში უფასო იქნება.
პროგრამა მოიცავს შემდეგი ქრონიკული დაავადებების სამკურნალო მედიკამენტების დაფინანსებას: გულ-სისხლძარღვთა სისტემის, ფილტვის, ფარისებრი ჯირკვლის ქრონიკული დაავადებები, მეორეტიპის დიაბეტი, პარკინსონის დაავადება, ეპილეფსია.
მთელი წლის განმავლობაში საჭირო მედიკამენტებს უფასოდ მიიღებენ სოციალურად დაუცველი პირები, რომელთა სარეიტინგო ქულა არ აღემატება 100 ათასს, პენსიონერები, ვეტერანები, შეზღუდული შესაძლებლობის მქონე პირები, აგრეთვე საქართველოს ხელისუფლების მიერ არაკონტროლირებად ტერიტორიებზე მცხოვრები მოსახლეობა (გორის, ხაშურის, კასპის, ქარელის , დუშეთის, საჩხერის, ზუგდიდის, მესტიის, წალენჯიხის რაიონებში).
მედიკამენტების მისაღებად პაციენტებმა ოჯახის ექიმს უნდა მიმართონ.