წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ.
22–31 დეკემბერის პერიოდი
22–31 დეკემბერის პერიოდი თხის რქის ნიშნის პირველ დეკადას განეკუთვნება.
ამ დეკადას იუპიტერი მართავს და ამ პერიოდში დაბადებულებს სიმშვიდესა და გამჭრიახობას ანიჭებს.
მნიშვნელოვანი წლებია: 30, 57.
ამ ადამიანთა სიმბოლოა ედელვაისი.
ამ დეკადაში დაბადებული ადამიანები არიან საიმედონი, მშვიდი, საუკეთესო მეგობრები.
26 დეკემბერს დაბადებულები
26 დეკემბერს დაბადებულები ხშირად მოვალის კომპლექსით ცხოვრობენ. ისინი მიიჩნევენ, რომ, უბრალოდ, ვალდებული არიან, სამყარო შეცვალონ. ეს ადამიანები გაბედული, აქტიური არიან. მათში წინააღმდეგობის, დაუმორჩილებლობის სული სახლობს.
ისინი ისწრაფვიან მოძველებული კანონების, წესების, ტრადიციების შეცვლისკენ. ბევრი მათგანი უძღვნის თავის ცხოვრებას სოციალურ, საზოგადოებრივ სამუშაოს.
26 დეკემბერს დაბადებულები ღიად აკრიტიკებენ უსამართლობას, უთანასწორობას, სიცრუეს. ისეთი ამოცანების გადაჭრას იღებენ საკუთარ თავზე, რომელთა გადაწყვეტაც ბევრს არ შეუძლია.
ამ დღეს დაბადებულებისთვის უცხოა კომპრომისზე წასვლა; უპირატესობას ანიჭებენ კონფრონტაციას, როგორც დრომოჭმული სტერეოტიპების გამო უკმაყოფილების გამოხატვის ბევრად უფრო მკაფიო ფორმას.
26 დეკემბერს დაბადებული თხის რქები გამოირჩევიან გამჭრიახობით, პათოლოგიური პატიოსნებით; ისინი კრიტიკული არიან საკუთარი თავისა და გარშემომყოფების მიმართ. არიან მოუთმენელი, ჯიუტი; ბევრს მათი არ ესმის, მაგრამ ამ ადამიანებს გარშემომყოფების დამოკიდებულება ნაკლებად აღელვებთ.
ამ დღეს დაბადებულები ფსიქოლოგიური მოქნილობით არ გამოირჩევიან; ისინი აფასებენ წესიერებას, გულწრფელობას, ეთიკურობას. დასახული გეგმისგან იშვიათად უხვევენ.
26 დეკემბერს დაბადებულებისთვის ჩვეულებრივი რამაა ზღვარზე ცხოვრება. რევოლუციური იდეებისთვის ხშირად გათავისუფლებითაც ემუქრებიან. თავიანთ იდეებს ისინი არ უარყოფენ, მაგრამ არც სამსახურის დაკარგვა სურთ.
მათ უჭირთ ადამიანებთან ურთიერთობები, სამუშაოზე ხანდახან მარტო რჩებიან, მაგრამ პროფესიული კომპეტენციის თვალსაზრისით კონკურენციის გარეშე არიან.
ჯანმრთელობა
26 დეკემბერს დაბადებულების სუსტი ადგილია საჭმლის მომნელებელი სისტემა. თვითმკურნალობა მათზე ძალიან ცუდად იმოქმედებს, ამიტომ სპეციალისტს უნდა მიმართონ.
რჩევა:
მკვეთრი გამონათქვამები კომუნიკაციის საუკეთესო საშუალება არ არის. გამოიჩინეთ ტოლერანტობა სხვების მოსაზრებების, იდეების მიმართ.