თბილისი, 1 დეკემბერი — Sputnik. საქართველოს ფეხბურთის ეროვნული ნაკრები ფიფას განახლებულ რეიტინგში ერთი პოზიციით დაქვეითდა და 77-ე ადგილი დაიკავა.
საქართველოს ნაკრების აქტივში 1.312,45 ქულაა და ამ მაჩვენებლით ის ჰონდურასსა (1.313,8) და სალვადორს (1.306,14) შორის განთავსდა.
ოქტომბერში ფიფას ბოლო რეიტინგის გამოქვეყნების შემდეგ საქართველოს ნაკრებმა ორი მატჩი ჩაატარა ევროპის ჩემპიონატის შესარჩევი ტურნირის ფარგლებში. აქედან ერთი მატჩი - შოტლანდიასთან თამაში 2:2 დაამთავრა, ხოლო ესპანეთთან 1:3 წააგო.
ფიფას რეიტინგის (მამაკაცთა შორის) ლიდერთა შორისაა არგენტინის, საფრანგეთისა და ინგლისის ნაკრებები.