„ქართული ოცნების“ ყოფილმა წევრებმა შეიძლება კოალიცია გახარიას პარტიასთან შექმნან

„შეიძლება ვიფიქროთ რაიმე ტიპის ალტერნატივაზე... „ოცნების“ ყოფილმა წევრებმა, რომლებმაც დატოვეს ეს პარტია იმის გამო, რომ არ მოსწონთ ის, რაც ხდება დღეს ქვეყანაში... მე ძალიან კარგი ურთიერთობა მაქვს გიორგი გახარიასთან. მას ვხედავ როგორც პოლიტიკოსს, რომელსაც შეუძლია მის ირგვლივ ძალიან საინტერესო კონფიგურაცია შექმნას“, – განაცხადა ბესელიამ.

„ჯერ გვაქვს მხოლოდ მოსაზრებები, ხედვა, განვიხილავთ ვერსიებს და შესაძლებლობებს. ვნახოთ, რა გამოვა. მე უბრალოდ გაგიზიარეთ მხოლოდ მუშა პროცესი იდეის დონეზე და ვნახოთ, რა გამოვა აქედან", – განაცხადა PalitraNews-თან ბესელიამ.

„ვფიქრობ, ყველაზე ცუდი ვერსია იქნებოდა, რაც უნდა გამოვრიცხოთ, არ უნდა იყოს ორი არჩევანი – „ქართული ოცნება“ და „ნაციონალური მოძრაობა“... შესაძლოა, არ იყოს მხოლოდ „ნაცმოძრაობა" და „სტრატეგია აღმაშენებელი" და კიდევ იყოს ერთი ალტერნატივა, რომელიც წარსულით დაკავშირებულია „ნაცმოძრაობასთან“, – აღნიშნა პოლიტიკოსმა.

„მაგალითად, გახარია და ის პოლიტიკური ჯგუფები, ან პოლიტიკოსები, რომლებსაც წარსულში არ აქვთ კავშირი „ნაციონალურ მოძრაობასთან“. ერთი ვიცი, რომ „ნაცმოძრაობასთან“ არ და ვერ ვიქნები და დანარჩენი კი არ ვიცი, როგორი კონფიგურაცია იქნება", – განაცხადა ბესელიამ.