თბილისი, 14 ივნისი – Sputnik. თურქეთის პოლიციამ ქალაქ აზიზიეში (ერზრუმის პროვინცია) საქართველოს მოქალაქე მეუღლის, 47 წლის აბდულა ავჯის მკვლელობის საქმეზე დააკავა, იუწყება ადგილობრივი მასმედია.
მამაკაცი საკუთარი სახლის ეზოში, საქათმესთან გარდაცვლილი იპოვეს. მედია იტყობინება, რომ ის კეფის არეში ნაჯახის დარტყმით მოკლეს. გარდაცვლილი ორი შვილის მამა იყო.
გარდაცვლილის მეუღლის გარდა, პოლიციამ მისი მეგობარიც დააკავა, რომელიც მკვლელობის დროს მსხვერპლის სახლში იმყოფებოდა.