თბილისი, 8 აპრილი – Sputnik. თელ-ავივის სანაპიროზე ტერაქტის შედეგად დაშავებულთა რაოდენობამ შვიდს მიაღწია, მათგან სამი ადამიანი საშუალო სიმძიმის მდგომარეობით საავადმყოფოში გადაიყვანეს, განაცხადეს ისრაელის სასწრაფო დახმარების სამსახურში (MDA).
„სულ თავდასხმის შედეგად რვა ადამიანი დაშავდა: 30 წლის მამაკაცი, რომელიც ადგილზე გარდაიცვალა და შვიდი დაჭრილი, რომლებსაც მანქანა დაეჯახა და იჰილოვის საავადმყოფოში გადაიყვანეს, მათგან სამი საშუალო სიმძიმისა ... და ოთხი მსუბუქი დაზიანებებით“, - იტყობინება MDA Twitter-ზე.
7 აპრილს, თელ-ავივის სანაპიროზე იაფოს მახლობლად, ავტომობილი ხალხის ჯგუფს შეეჯახა. პოლიციამ მძღოლი გაანეიტრალა. ისრაელის საგარეო საქმეთა სამინისტრომ თავდასხმას ტერორისტული აქტი უწოდა.
ექიმების თქმით, თავდასხმის შედეგად დაშავებული ყველა პირი უცხოელია. ისრაელის პრემიერ-მინისტრმა ბენიამინ ნეთანიაჰუმ თელ-ავივში მომხდარი ტერაქტის შემდეგ პოლიციასა და არმიას რეზერვისტების მობილიზება უბრძანა.