თბილისი, 17 მარტი – Sputnik. საქართველოს პროკურატურის გენერალური ინსპექციის თანამშრომლებმა უწყების სახელით თაღლითობის ბრალდებით ერთი ადამიანი დააკავეს.
პროკურატურის მონაცემებით, ბრალდებულმა თავი პროკურატურის თანამშრომლად წარადგინა და დაზარალებულს აშშ-ის ვიზებს და ამ ქვეყანაში ნათესავების გამგზავრებას დაჰპირდა.
გამოძიებამ დაადგინა, რომ ბრალდებულმა დაზარალებული და მისი ოჯახის წევრები დაარწმუნა, თითქოს საქართველოს პროკურატურასა და აშშ-ს შორის არის გაცვლითი პროგრამა, რომლის თანახმად წლის განმავლობაში 5–6 ოჯახს საქართველოდან აშშ-ში წასვლა და იქ მუშაობა შეუძლია. ბრალდებული მათ დაჰპირდა, რომ ისინი მიიღებდნენ ცხოვრების ნებართვას, პოლიტიკურ სტატუსს და მუშაობის უფლებას.
გამოძიების მონაცემებით, არარსებულ ოჯახის პროგრამაში ჩასართავად ბრალდებულმა დაახლოებით 10,5 ათასი დოლარი მიიღო.
ახლა ბრალდებულს დიდი ოდენობით თაღლითობისთვის ექვსიდან ცხრა წლამდე პატიმრობა ელოდება. პროკურატურა სასამართლოს გამოძიების პერიოდში მისი პატიმრობის შუამდგომლობით მიმართავს.