თბილისი, 28 იანვარი – Sputnik. 2022/2023 სასწავლო წლის მეორე სემესტრში საქართველოს ზოგადსაგანმანათლებლო საჯარო სკოლების მოსწავლეებს დამატებით ხუთდღიანი დასვენება ექნებათ.
ზოგადსაგანმანათლებლო საჯარო სკოლებში მეორე სემესტრი 16 იანვარს დაიწყო და 15 ივნისამდე გაგრძელდება.
მეორე სემესტრში თითქმის ყველა სახელმწიფო დღესასწაული სამუშაო დღეებს დაემთხვა, ამიტომ მეორე სემესტრში სკოლის მოსწავლეებს დამატებით ხუთი დასვენების დღე ექნებათ.
გარდა ამისა, სკოლის მოსწავლეებს სააღდგომო არდადეგები ელოდება, რომელიც საქართველოში წელს 14-დან 17 აპრილამდე გრძელდება.
საქართველოში სულ 2302 სკოლაა, აქედან 2086 საჯაროა. სკოლებში სწავლობს 633,3 ათასი მოსწავლე, აქედან 569,6 ათასი საჯარო სკოლებში სწავლობს.