თბილისი, 25 იანვარი – Sputnik. გერმანიის ხელისუფლება გადასცემს კიევს ტანკებს Leopard 2-ს და დაუშვებს მათ რეექსპორტს სხვა ქვეყნებიდანაც, განაცხადა გერმანიის მთავრობის ოფიციალურმა წარმომადგენელმა სტეფენ ჰებეშტრაიტმა.
მანამდე გერმანია, რომელიც უკრაინას მსხვილ შეიარაღებას აწვდიდა, ამ ტანკების მიწოდებისგან დიდხანს თავს იკავებდა.
„პირველ ეტაპზე გერმანია ბუნდესვერის მარაგებიდან გადასცემს Leopard 2 A6-ის შენაერთს 14 ერთეული ტანკის შემადგენლობით“, – განაცხადა გერმანიის მთავრობის წარმომადგენელმა.
ბერლინი გეგმავს გადასცეს კიევს ჯამში ორი სატანკო ბატალიონი.
სტეფენ ჰებეშტრაიტის თქმით, გერმანია ასევე აპირებს სხვა ქვეყნებს მისცეს ნებართვა, განახორციელონ გერმანული წარმოების ტანკების რეექსპორტი უკრაინისთვის გადასაცემად. უკრაინის შეიარაღებული ძალების დახმარების ახალი პაკეტი ასევე მოიცავს სამხედრო მოსამსახურეების სწავლას, სისტემების ტექმომსახურებას, ხელშეწყობას ლოგისტიკაში და საბრძოლო მასალის გადაცემას.
გერმანიის, პოლონეთისა და ფინეთის გარდა, Leopard-ის ტიპის ტანკები ჰყავთ ესპანეთს, საბერძნეთსა და დანიას.
2022 წლის გაზაფხულზე მოსკოვმა ნოტა გაუგზავნა ჩრდილოატლანტიკური ალიანსის ქვეყნებს უკრაინის შეიარაღებული ძალებისთვის იარაღის გადაცემის გამო.
საგარეო საქმეთა მინისტრმა სერგეი ლავროვმა ხაზგასმით აღნიშნა, რომ ნებისმიერი ტვირთი, რომელიც შეიცავს სამხედრო ტექნიკას, ლეგიტიმური სამიზნე გახდება რუსეთის საჰაერო კოსმოსური ძალებისთვის.