თბილისი, 13 დეკემბერი – Sputnik. საქართველოს სკოლებში ზამთრის არდადეგები 30 დეკემბრიდან დაიწყება, ნათქვამია განათლებისა და მეცნიერების სამინისტროს განცხადებაში.
მინისტრის ბრძანების თანახმად, საქართველოში ზამთრის არდადეგები 15 იანვრამდე გრძელდება, თუმცა, გამომდინარე იქიდან, რომ 15 იანვარი კვირა დღეა, შესაბამისად, სკოლებში სწავლა 16 იანვარს, ორშაბათს განახლდება.
რაც შეეხება სკოლამდელ დაწესებულებებს, სკოლების მსგავსად, სასწავლო-სააღმზრდელო პროცესი აქაც 29 დეკემბრამდე გაგრძელდება და 16 იანვრიდან განახლდება.
კერძო სკოლები და საბავშვო ბაგა-ბაღები არდადეგების საკითხს ინდივიდუალურად წყვეტენ.