თბილისი, 18 ნოემბერი – Sputnik. ქართველი მაშველები ფრანგმა ინსტრუქტორებმა სამთო-სამაშველო მიმართულებით გადაამზადეს, ნათქვამია შინაგან საქმეთა სამინისტროს საგანგებო სიტუაციების მართვის სამსახურის მიერ გავრცელებულ ინფორმაციაში.
ქართველი მაშველები ფრანგმა ინსტრუქტორებმა გადაამზადეს
© Emergency Management Service of Georgia
უწყების ცნობით, საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მაშველებს გუდაურში სამთო-სამაშველო სწავლება ჩაუტარდათ.
ქართველი მაშველები ფრანგმა ინსტრუქტორებმა გადაამზადეს
© Emergency Management Service of Georgia
„სახანძრო-სამაშველო ძალების დეპარტამენტის განსაკუთრებულ სიტუაციებზე რეაგირების მთავარი სამმართველოს 15-მა მაშველმა ერთკვირიანი სწავლების ფარგლებში თეორიული და პრაქტიკული გადამზადება გაიარა“, – აღნიშნულია ინფორმაციაში.
ქართველი მაშველები ფრანგმა ინსტრუქტორებმა გადაამზადეს
© Emergency Management Service of Georgia
სწავლება საქართველოში საფრანგეთის საელჩოს ხელშეწყობითა და შამონის სამთო-სათხილამურო ეროვნული ცენტრის ექსპერტების დახმარებით განხორციელდა და მისი ძირითადი მიზანი იყო სამთო-სამაშველო ოპერაციების დახვეწა და გაუმჯობესება.
სწავლების დასრულების შემდეგ მონაწილეებს შესაბამისი სერტიფიკატები გადაეცათ.