თბილისი, 4 ნოემბერი – Sputnik. საქართველოს თავდაცვის ძალების ყოფილ და მოქმედ სამხედრო მოსამსახურეებს მათ ფაქტობრივ მფლობელობაში არსებული ბინები სიმბოლურ ფასად – 1 ლარად გადასცეს, იუწყება „პირველი არხი“.
გადაწყვეტილება თბილისის საკრებულოს გადაწყვეტილებით და დედაქალაქის მთავრობის დადგენილების საფუძველზე მიიღეს.
„საკრებულოს მიერ დღეს მიღებული გადაწყვეტილებით, დაკმაყოფილდა ათი ოჯახი და ეს პროცესი ფაქტობრივად დასრულებულია“, – ნათქვამია განცხადებაში.
სულ ასეთი 54 ოჯახია და მათი უმრავლესობა მუნიციპალიტეტის მიერ საცხოვრებელი ფართით უზრუნველყოფილია.
როგორც საკრებულოში აღნიშნავენ, საქართველოს თავდაცვის სამინისტროს სამხედრო მოსამსახურეები ამ ქონებას 2007–2013 წლებში ფლობდნენ.