თბილისი, 2 ნოემბერი — Sputnik. შინაგან საქმეთა სამინისტროს საგანგებო სიტუაციების მართვის აჭარის მთავარი სამმართველოს მაშველებმა მტირალას ეროვნული პარკიდან მდინარე ჩაქვისწყლის ადიდების გამო ჩარჩენილი 11 მოქალაქე გამოიყვანეს.
როგორც საგანგებო სიტუაციების მართვის სამსახურის ინფორმაციაშია აღნიშნული, მაშველებმა ჩაქვისწყლის ერთ-ერთ შენაკადზე უმოკლეს დროში დაამონტაჟეს სპეციალური აღჭურვილობა, რომლის მეშვეობითაც ადამიანები უსაფრთხო ადგილზე გამოიყვანეს.
წარმატებულ ოპერაციაში შვიდი მაშველი მონაწილეობდა.