თბილისი, 15 ოქტომბერი – Sputnik. თურქეთის ჩრდილოეთით შახტში აფეთქების შედეგად მსხვერპლის რიცხვი 28–მდე გაიზარდა, იუწყება ტელეარხი TRT თურქეთის ჯანდაცვის მინისტრის, ფაჰრეთინ ქოჯას ინფორმაციაზე დაყრდნობით.
მანამდე ხელისუფლებამ 25 დაღუპულის შესახებ განაცხადა. „კიდევ ორი ადამიანი დაიღუპა. საბოლოოდ აფეთქების შედეგად ქვანახშირის შახტში მსხვერპლი 28 ადამიანია“, – ნათქვამია ტელეარხის ინფორმაციაში.
ცნობილია, რომ 11 დაშავებული საავადმყოფოშია.
აფეთქება თურქეთის შახტში
© photo: Sputnik / Stringer
აფეთქება შახტში, 300 მეტრ სიღრმეში თურქეთის ჩრდილოეთით მოხდა. ამ დროს იქ 115 ადამიანი იმყოფებოდა. ზოგიერთი ევაკუირებულია, 49 მუშა კი დაბლოკილია და ჯერჯერობით ვერ ამოიყვანეს.