თბილისი, 23 სექტემბერი — Sputnik. ქედის მუნიციპალიტეტში, სოფელ მახუნცეთთან მომხდარი ავტოსაგზაო შემთხვევის შედეგად ორი უცხოელი ტურისტი დაიღუპა, იუწყება ქართული მასმედია.
გავრცელებული ინფორმაციით, ერთმანეთს მიკროავტობუსი და ავტობუსი შეეჯახა.
მომხდარის შედეგად ასევე დაშავდა ოთხი ადამიანი, რომლებიც სასწრაფო სამედიცინო დახმარების ბრიგადამ კლინიკა BMS-ში გადაიყვანა. ექიმების თქმით, მათ ზედაპირული ტრავმები აღენიშნებათ.
შემთხვევის ადგილზე სამართალდამცველები და სასწრაფო დახმარების ბრიგადები იყვნენ მობილიზებული.