ზაფხულის ბოლო დღეებში ბათუმში ელექტრონული მუსიკის ფესტივალი გაიმართება

თბილისი, 30 აგვისტო – Sputnik. ბათუმი ზაფხულის ბოლო ორ დღეს – 30 და 31 აგვისტოს მასპინძლობს ელექტრონული მუსიკის ახალ ფესტივალს Batumi Hot Card Fest.

"Batumi Hot Card Fest — არის ელექტრონული მუსიკის ფესტივალი, რომლითაც გავაცილებთ ზაფხულს“, – ნათქვამია ორგანიზატორების განცხადებაში.

ფესტივალი გასართობი ცენტრი Joy-ს ტერიტორიაზე გაიმართება და მასში ელექტრონული მუსიკის ქართველი და უცხოელი არტისტები მიიღებენ მონაწილეობას.

ფესტივალის ლაინ-აპში იხილავთ ისეთ არტისტებს, როგორებიც არიან Lasha Guruli (ABSEA), Hamatsuki, GUGU, Ika (Small Moves), Tobako Tween და Deniel Berhane ბერლინიდან (გერმანია).