დღეს 2022 წლის 13 ივლისია, ოთხშაბათი. სავსემთვარეობა თხის რქის ნიშანშია. ამ დღეს პლანეტა მერკური მფარველობს.
სასურველია, დღე მშვიდად გაატაროთ, გააკეთოთ უკვე ნაცნობი საქმეები. საქმიანი მოლაპარაკებებისთვის სერიოზულად მოემზადეთ, არ გქონდეთ იმპროვიზირების უნარის იმედი. ახლობლებთან ურთიერთობები დადებით ემოციებს მოგიტანთ.
ვერძი: მონაწილეობა მიიღეთ ერთობლივ პროექტებში. ინტუიცია გამახვილებული გაქვთ და სწრაფად მიხვდებით იმას, რაც სხვებისთვის იდუმალი და დაფარულია. არაა გამორიცხული საინტერესო საქმიანი წინადადების მიღება. პოზიტიური ტენდენციების გავლენა შესამჩნევი იქნება პირად ურთიერთობებშიც.
კურო: განიხილეთ სამუშაო საკითხები, შეხვდით ადამიანებს, რომლებსაც თქვენი დახმარება შეუძლიათ. მათი სახით, შესაძლოა, ახალი მეგობრები შეიძინოთ. მოგიწევთ საორგანიზაციო საკითხების გადაწყვეტა, მუშაობა დოკუმენტებთან. ეს დამღლელი, მაგრამ ნაყოფიერი პროცესი იქნება.
ტყუპი: მზად იყავით იმისთვის, რომ ყურადღების ცენტრში შეიძლება აღმოჩნდეთ. ეცადეთ, უნაკლოდ გამოიყურებოდეთ. მოსალოდნელია ნაცნობობა, რომელიც მნიშვნელოვან როლს შეასრულებს თქვენს ცხოვრებაში. გაქვთ შანსი, რომ წარმატებით დაასრულოთ ადრე დაწყებული საქმე.
კირჩხიბი: გააკეთეთ ის, რაც ნამდვილად გაინტერესებთ. მიაღწევთ წარმატებებს და შედეგი სარგებელს მოგიტანთ. პირად ურთიერთობებში ინტუიციას ენდეთ – მისი მინიშნებები არ დაგაღალატებთ. შეძლებთ რთული ურთიერთობების გამოსწორებას. საყვარელ ადამიანს უფრო კარგად გაუგებთ.
ლომი: გაგიჩნდებათ კარგი იდეები; შეძლებთ რთული ვითარებიდან გამოსავლის პოვნას, ბარიერების გადალახვას. მნიშვნელოვანია, რომ ემოციები მოთოკოთ და ნებისმიერ ვითარებაში თავის გაკონტროლება შეძლოთ. გამოგადგებათ დათმობაზე წასვლა – ამის წყალობით შეძლებთ ურთიერთობების დალაგებას.
ქალწული: დატვირთული დღე გექნებათ, მაგრამ საქმიანობა გაგახარებთ, რადგან უსაქმოდ ყოფნის სურვილი არა გაქვთ. მუშაობის შედეგად წარმატებებს მიაღწევთ, რაც შეუმჩნეველი არ დარჩება და შესაძლოა, საინტერესო წინადადება შემოგთავაზონ. ჰარმონიულად აეწყობა პირადი ურთიერთობები.
სასწორი: გელოდებათ მნიშვნელოვანი შეხვედრები, მოლაპარაკებები, რომელთა შედეგები თქვენს კარიერაზე აისახება. შესაძლებელია მომგებიანი გარიგებების დადება. პრობლემები არაა მოსალოდნელი პირად ურთიერთობებში. ახლობლებთან ამაღლებული განწყობით შესანიშნავ დროს გაატარებთ.
მორიელი: სასიხარულო დღეა. საქმიანობას ენთუზიაზმით შეუდგებით და წარმატებებს სწრაფად მიაღწევთ. სიმშვიდის შენარჩუნება გაუჭირდებათ მათ, ვინც გადაწყვეტილებების დამოუკიდებლად მიღებას არის მიჩვეული. შესაძლოა, მოგეჩვენოთ, რომ ირგვლივ მყოფები ძალიან ხშირად ერევიან თქვენ საქმეებში.
მშვილდოსანი: გაგიჭირდებათ მხრიდან რჩევების მიღება, არადა ისინი შეიძლება ძალიან სასარგებლო აღმოჩნდეს. უფრო კარგად გაართმევთ თავს ჩვეულ საქმეებს, ვიდრე ახალს. სიფრთხილეა საჭირო ფინანსურ საქმეებში. მოერიდეთ თანხის უაზროდ ხარჯვას. სიყვარულში გაგიმართლებთ – პაემანი შესანიშნავად ჩაივლის.
თხის რქა: შეგიძლიათ უჩვეულო, რთულ საქმეებს შეეჭიდოთ. პირველ წარმატებას მალე მიაღწევთ. ზოგიერთი თქვენგანი საიმედო მოკავშირეებს იპოვის. პირად ურთიერთობებში ინტუიციას ენდეთ. მისი მინიშნებები დაგეხმარებათ არაერთმნიშვნელოვან ვითარებაში გარკვევაში. გელოდებათ რომანტიკული სიურპრიზი.
მერწყული: კარგი დღეა მნიშვნელოვანი შეხვედრებისთვის. იოლად მოახდენთ კარგ შტაბეჭდილებას ადამიანებზე. დაძაბული ურთიერთობები შეიძლება უკეთესობისკენ შეიცვალოს. მოსალოდნელია კარგი სიახლეების გაგება. შეგიძლიათ სამომავლო გეგმების განსახილვა. საღამო ახლობლებთან ურთიერთობას დაუთმეთ.
თევზები: მნიშვნელოვანი ცვლილებები საქმიან სფეროში მოსალოდნელი არ არის. შეგიძლიათ მშვიდად შეასრულოთ თქვენი მოვალეობები. შესაძლებელია თანხის მიღება. გექნებათ საშუალება, რომ ახლობლებს ყურადღება დაუთმოთ, მიხედოთ საოჯახო საქმეებს, დაეხმაროთ რთულ მდგომარეობაში აღმოჩენილ ახლობლებს.