საუბარია ბრედ პიტსა და ანჯელინა ჯოლიზე. ჯერ კიდევ წლის დასაწყისში გახდა ცნობილი, რომ ანჯელინამ საფრანგეთში მდებარე ღვინის საწარმო „შატო მირაველის“ წილი რუს ოლიგარქს იური შიფლერს მიჰყიდა და ამის შესახებ ბრედს არც დაეკითხა. პიტმა სასამართლოს მიმართა, სარჩელი ანჯელინას წინააღმდეგ შეიტანა და რუს ოლიგარქთან ხელშეკრულების დაუყოვნებლივ გაწყვეტა მოითხოვა, თუმცა ჯოლი ამას არ აპირებს.
დასავლური მედია წერს, რომ ბრედი განრისხებულია და დანებებას არ აპირებს. ეს ის შემთხვევაა, როდესაც პირადი უთანხმოება შესაძლოა საერთაშორისო სკანდალამდეც კი მივიდეს.
ინსაიდერების ცნობით, ბრედი ყოფილ ცოლს „შხამიან გარიგებებში“ ადანაშაულებს, მისი აზრით, ჯოლი ამ ყველაფერს მისი წყობიდან გამოსაყვანად აკეთებს. აღსანიშნავია, რომ იური შიფლერი რუსული არყის კომპანია „სტოლიჩნაიას“ მფლობელია.
ჯოლი-პიტის წყვილმა „შატო მირაველი“ 2008 წელს 28,4 მილიონ დოლარად შეისყიდა, თუმცა თანხის უმეტესი ნაწილი მაინც ბრედის გადახდილი იყო.