თბილისი, 19 მაისი — Sputnik. ძლიერმა ნისლმა თელ-ავივიდან მომავალ თვითმფრინავებს ბათუმის საერთაშორისო აეროპორტში დაშვებაში ხელი შეუშალა, განუცხადა „Sputnik–საქართველოს“ ბათუმის აეროპორტის ადმინისტრაციის წარმომადგენელმა.
„დღეს ორი რეისი განხორციელდა თელ-ავივიდან და ვერცერთმა ვერ მოახერხა ბათუმის აეროპორტში დაჯდომა", – განაცხადეს ბათუმის აეროპორტის ადმინისტრაციაში.
საბოლოოდ თელ-ავივიდან გამოფრენილი Israir Airlines-ის თვითმფრინავი თბილისის საერთაშორისო აეროპორტში დაეშვა, ხოლო Arkia Israeli Airlines-ის თვითმფრინავი – ქუთაისის საერთაშორისო აეროპორტში.