თბილისი, 18 დეკემბერი — Sputnik. ყოფილი მეუღლის მკვლელობაში ბრალდებულ 38 წლის გიორგი ბარბაქაძეს თელავის რაიონულმა სასამართლომ აღკვეთის ღონისძიების სახით წინასწარი პატიმრობა შეუფარდა.
გუშინ, საქართველოს პროკურატურამ ბარბაქაძეს ბრალი წარუდგინა ყოფილი მეუღლის დამამძიმებელ გარემოებებში განზრახ მკვლელობაში. დანაშაული 13-დან 17 წლამდე ვადით პატიმრობას ითვალისწინებს.
ტელეკომპანია „რუსთავი 2“-ის ინფორმაციით, სასამართლო პროცესზე ბრალდებულმა დანაშაული აღიარა. მიუხედავად ამისა, მოსამართლე თამარ კაპანაძემ არ დააკმაყოფილა დაცვის მხარის შუამდგომლობა, რომელიც 5 ათასი ლარის ოდენობით გირაოს ითხოვდა.
საქმეზე წინა სასამართლო სხდომა 10 მარტს, 13:00 საათზე ჩაინიშნა.
გამოძიებით დადგინდა, რომ 15 იანვარს ბრალდებულმა ლაგოდეხში, კონფლიქტის დროს ყოფილი მეუღლე მისსავე საცხოვრებელ სახლში ყელის არეში ხელის მოჭერით გაგუდა.
პროკურატურის ინფორმაციით, დანაშაულის კვალის დაფარვის მიზნით, ბრალდებულმა გაზქურის ონკანი გახსნა, რათა მოეხდინა გარდაცვლილის ბუნებრივი გაზით ინტოქსიკაციის ინსცენირება, ხოლო თავად შემთხვევის ადგილიდან მიიმალა.
პოლიციამ მამაკაცი16 იანვარს დააკავა.