ნიუ-იორკში გილიერმო დელ ტოროს მიერ გადაღებული ახალი ფილმის ,,კოშმარული ხეივანი” Nightmare Alley პრემიერა შედგა. წლის მთავარ კინოპრემიერას მაყურებელი დიდი ხანია ელოდებოდა, რადგან ფილმში მთავარ როლებს ამერიკული კინოს ტოპ-ვარსკვლავები, ბრედლი კუპერი, რუნი მარა და კეიტ ბლანშეტი ასრულებენ.
კინოპრემიერის სენსაცია გახდა ბრედლი კუპერის გამოჩენა წითელ ხალიჩაზე – 46 წლის მსახიობი პრემიერაზე ირინა შეიკთან ერთად მივიდა, რამაც საბოლოოდ დაადასტურა ინფორმაცია წყვილის შერიგების შესახებ. ირინა შეიკი განსაკუთრებით ლამაზი იყო. ის ულამაზეს კომბინეზონში იყო გამოწყობილი, რომელიც ტყავის აქსესუარებით იყო გაწყობილი.
რამდენიმე კვირის წინ ირინა შეიკი და ბრედლი კუპერი ქუჩაში ხელკავით სეირნობის დროს გადაიღეს. მას შემდეგ საზოგადოების დიდ ნაწილს ეჭვი გაუჩნდა, რომ წყვილი კვლავ ერთადაა. ეჭვები სულ ცოტა ხნის წინ პრაქტიკულად გამართლდა.
ცოტა ხნის წინ 35 წლის მოდელმა „მადლიერების დღე“ ყოფილი მეუღლის სახლში გაატარა. კლასიკურ ფორმაში გამოწყობილი შეიკი ბრედლის სახლიდან გამოსული გამთენიისას დააფიქსირეს. მას შავი პალტო და მაღალქუსლიანი, კლასიკური ფეხსაცმელი ამშვენებდა და საოცრად ელეგანტურად გამოიყურებოდა.
მას შემდეგ, რაც ირინა შეიკი და ბრედლი კუპერი ერთმანეთს დაშორდნენ, წყვილი ერთად არაერთხელ შეუნიშნავთ, მათ 4 წლის ქალიშვილი ლეა ჰყავთ, რომელსაც ერთობლივად ზრდიან.
შეიკისა და კუპერის ურთიერთობა 2015 წლის აპრილში დაიწყო. ბრედლი კუპერისა და მომღერალ ლედი გაგას ერთობლივი ფილმის „ვარსკვლავის დაბადების“ გამოსვლის შემდეგ ტაბლოიდები წერდნენ, რომ კუპერი შეიკს ლედი გაგასთან ღალატობდა, მაგრამ ეს ჭორები ლედი გაგამ უარყო. თუმცა, თავის მხრივ, ფილმის გამოსვლიდან მალევე ლედი გაგამ თავისი ქორწილიც ჩაშალა.