თბილისი, 30 ნოემბერი - Sputnik. თავისუფალი სტილით მოჭიდავე გენო პეტრიაშვილი თავის წონით კატეგორიაში (-125 კგ) სეზონის ლიდერი გახდა, ნათქვამია ჭიდაობის საერთაშორისო ფედერაციის (UWW) განცხადებაში.
გასულ სეზონში პეტრიაშვილმა სამივე დიდ ტურნირზე მედლები მოიპოვა. ევროპის ჩემპიონატზე ქართველმა მოჭიდავემ ბრინჯაოს მედალი მოიპოვა, ხოლო ტოკიოს ოლიმპიადაზე და მსოფლიო ჩემპიონატზე - ვერცხლი. ჯამში პეტრიაშვილმა 98 ქულა დააგროვა.
პეტრიაშვილმა დაამარცხა ირანელი ამირ ზარე და თურქი თაჰა აქგიული. აღსანიშნავია, რომ ზარე მსოფლიო ჩემპიონი გახდა, მაგრამ ოლიმპიურ თამაშებზე ტოკიოში ბრინჯაო მოიპოვა. სწორედ ეს გახდა გადამწყვეტი ფაქტორი 125 კგ-მდე წონით კატეგორიაში საუკეთესო მოჭიდავის გამოვლენისას.
თავისი მიღწევისთვის პეტრიაშვილი UWW-სგან 10 ათას აშშ დოლარს მიიღებს. ზარე - 7 ათასს, ხოლო აქგული - 3 ათას დოლარს.
საუკეთესოთა შორის აღმოჩნდა ასევე ნიკა კენჭაძე, რომელმაც სეზონის შედეგებით 79 კგ-მდე წონით კატეგორიაში საუკეთესო მოჭიდავეთა სიაში მეორე ადგილი დაიკავა.