თბილისი, 30 ნოემბერი — Sputnik. კორონოვირუსის ახალი ვარიანტის, „ომიკრონის“ მსოფლიოში გავრცელების აღკვეთა შეუძლებელია, თუმცა ევროკავშირს აუცილებლად ესაჭიროება ზომებს გატარება მისი მაქსიმალურად შეკავებისთვის, განაცხადა ევროკომისიის ოფიციალურმა წარმომადგენელმა ერიკ მამერმა ბრიფინგზე.
„გარკვეული ზომების მიღება საჭიროა არა იმისთვის, რომ ვირუსი ევროპაში ან მსოფლიოს სხვა ნაწილში არ შევუშვათ — ვფიქრობ, ყველას ესმის, რომ ეს შეუძლებელია — არამედ იმისთვის, რომ მაქსიმალურად შევანელოთ მისი გავრცელება და ევროპის ჯანდაცვის ორგანოებსა და ვაქცინების მომწოდებლებს დრო მივცეთ ადაპტაციისთვის“, — განაცხადა მან.
კორონავირუსის ახალი ვარიანტი „ომიკრონი“
კორონავირუსის ვარიანტი B.1.1.529, რომელსაც ჯანმრთელობის მსოფლიო ორგანიზაციამ ბერძნული ანბანის მე-15 ასოს მიხედვით „ომიკრონი“ უწოდა, ბოტსვანასა და სამხრეთ აფრიკის რესპუბლიკაში 2021 წლის ნოემბრის ბოლო რიცხვებში გამოვლინდა.
მეცნიერების თქმით, გამომდინარე იქიდან, რომ ახალი შტამის მომჭიდებელი ცილა უჩველოდ დიდი რაოდენობის, 32 მუტაციას მოიცავს, ეს ვარიანტი შესაძლოა უფრო გადამდები იყოს, ვიდრე ამ დროისათვის დომინანტი „დელტაა“.
ჯანმომ ახალი ვარიანტის მსოფლიოში გავრცელების რისკი შეაფასა როგორც „ძალიან მაღალი“. ამასთან აღინიშნა, რომ „ომიკრონით“ გარდაცვალების შემთხვევა ჯერჯერობით არსად არ დაფიქსირებულა, თუმცა არ გამოირიცხება, რომ კორონავირუსის ამ ვარიანტით ისინიც დაინფიცირდნენ, ვინც უკვე გადაიტანა COVID-19.
ამ დროისათვის „ომიკრონით“ ინფიცირების შემთხვევებიუ უკვე დაფიქსირებულია: იტალიაში, დიდ ბრიტანეთში, ჰონკონგში, პორტუგალიაში, იაპონიაში, ჩინეთში და სხვა სახელმწიფოებში. შესაბამისად, ქვეყნების ხელისუფლებებმა ავიამიმოსვლები შეზღუდეს და ახალი კარანტინები გამოაცხადეს.