თბილისი, 23 ნოემბერი — Sputnik. ნუში, თავისი საკვები ნივთიერებების გამო, აუმჯობესებს გულ-სისხლძარღვთა სისტემისა და ასევე ტვინის მუშაობას, თუმცა მისი მიღება, სანამ ის თერმულად არ დამუშავდება, სახიფათოა ჯანმრთელობისთვის, აცხადებს დიეტოლოგი და ენდოკრინოლოგი სვეტლანა ფუსი.
მისი თქმით, ნუში შეიცავს ციანოგლიკოზიდ ამიგდალინს, რომლის დაშლის პროდუქტები ნუშს სპეციფიკურ სუნსა და სიმწარეს სძენს.
„ამავდროულად გამოიყოფა ჰიდროციანმჟავა, ერთ-ერთი უძლიერესი შხამი...“ – გვაფრთხილებს სპეციალისტი.
მისი განმარტებით, თერმული დამუშავების შემდეგ (180 გრადუსი 8-10 წუთის განმავლობაში) ამიგდალინი ორგანიზმს საფრთხეს აღარ უქმნის.
ექიმის რეკომენდაციით, ნუშის სადღეღამისო ნორმაა 30 გრამი. ამასთან აღნიშნავს, რომ ნუში ინახება დიდი ხნის განმავლობაში — ისე, რომ არ კარგავს არც სასარგებლო თვისებებს და არც გემოს.
მანამდე დიეტოლოგმა ევგენი არზამასოვმა განაცხადა, რომ ნუში ანელებს დაბერების პროცესს და ყველაზე „ქალურ კაკლად“ მიიჩნევა.