თბილისი, 17 ნოემბერი – Sputnik. საქართველოდან ექსპორტირებული ხურმისა და კარალიოკის ექსპორტის ღირებულებამ 4,311 ათასი აშშ დოლარი შეადგინა, იუწყება გარემოს დაცვისა და სოფლის მეურნეობის სამინისტრო.
უწყების ცნობით, გასული წლის ანალოგიურ პერიოდთან შედარებით, ექსპორტირებული ხურმისა და კარალიოკის მოცულობა 35%-ით (2,206 ტონით), ხოლო ღირებულება 856 ათასი დოლარით (25%) გაიზარდა.
მიმდინარე წლის 1 სექტემბრიდან 14 ნოემბრის ჩათვლით პერიოდში ხურმისა და კარალიოკის ექსპორტი ძირითადად განხორციელდა რუსეთში (3.089 ტონა), სომხეთში (3.052 ტონა), უკრაინაში (2.172 ტონა) თურქეთში (108 ტონა), ყაზახეთში (62 ტონა), მოლდოვაში (39 ტონა) და მცირე რაოდენობით სხვა ქვეყნებში (9,9 ტონა).