თბილისი, 17 ნოემბერი — Sputnik. ჩინეთი სამხედრო პოტენციალს აძლიერებს, რაც პეკინს პერსპექტივაში მისცემს საშუალებას, რომ პირველმა განახორციელოს დარტყმა, მიაჩნია აშშ-ის შტაბების მეთაურთა კომიტეტის თავმჯდომარის მოადგილეს, გენერალ ჯონ ჰაიტენს.
ამ თემაზე მან ტელეარხ CBS-სთან ინტერვიუში ისაუბრა.
გენერალმა კომენტარი გააკეთა ჩინეთის მიერ ჰიპერბგერითი იარაღის გამოცდაზე და აღნიშნა:
„მათ შორი მანძილის რაკეტა გაუშვეს, რომელმაც დედამიწას შემოუფრინა. შემედგ რაკეტას ჰიპერბგერითი ბლოკი გამოეყო, რომელმაც ჩინეთამდე მიაღწია და სამიზნე დააზიანა. <...> ეს პირველი გამოყენების იარაღს ჰგავს. ჩემი აზრით, სწორედ ასე გამოიყურება ამ ტიპის იარაღი“.
იმ ფაქტის შესახებ, რომ ჩინეთმა ჰიპერბგერითი რაკეტა გამოსცადა აგვისტოში, ფართო საზოგადოებამ სექტემბრის შუა რიცხვებში შეიტყო გაზეთ Financial Times-სგან. როგორც გამოცემა წერდა, რაკეტამ ისე შემოუფრინა დედამიწას, რომ მსოფლიოს რაკეტსაწინააღმდეგო სისტემებმა ვერ შენიშნეს.
მოგვიანებით ჩინეთის საგარეო საქმეთა სამინისტროს წარმომადგენელმა ჩჟაო ლიძიანმა პრესკონფერენციაზე განაცხადა, რომ ზაფხულში კოსმოსური ხომალდი გამოიცადა და არა ჰიპერბგერითი რაკეტა.