თბილისი, 6 ნოემბერი - Sputnik. რუსთავში, სასჯელაღსრულების მე-12 დაწესებულებასთან, საქართველოს მესამე პრეზიდენტის, მიხეილ სააკაშვილის მხარდასაჭერი აქციის დაწყებამდე ერთ-ერთი მომიტინგე გარდაიცვალა, იუწყება ტელეკომპანია „პირველი არხი“.
გავრცელებული ინფორმაციით, მამაკაცი მოულოდნელად შეუძლოდ გახდა. მის დასახმარებლად მალევე მივიდა სასწრაფო სამედიცინო დახმარება. მამაკაცი კლინიკაში გადაიყვანეს, თუმცა მისი გადარჩენა ვერ მოხერხდა.
შსს-ს ინფორმაციით, გარდაცვალების ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.
დღეს, რუსთავის ციხესთან, სადაც სასჯელს ექს-პრეზიდენტი მიხეილ სააკაშვილი იხდის, საპროტესტო აქციაზე რამდენიმე ათასი ადამიანი შეიკრიბა. აქციის მონაწილეები სცენასთან შეიკრიბნენ, მათ უკავიათ დროშები და ლოზუნგები „თავისუფლება სააკაშვილს“.