თბილისი, 31 ოქტომბერი - Sputnik. მმართველი პარტია „ქართული ოცნება - დემოკრატიული საქართველოს“ კანდიდატი არჩილ ჩიქოვანი ბათუმის მერი გახდება, ამას ცესკოს წინასწარი შედეგები მოწმობს.
ჩიქოვანმა მოიპოვა ხმების 51,018%, ხოლო ხოლო კანდიდატმა ყველაზე მსხვილი ოპოზიცური პარტია „ერთიანი ნაციონალური მოძრაობიდან“ გიორგი კირთაძემ - 48,98%.
კანდიდატებს შორის სხვაობამ მმართველი პარტიის წარმომადგენლის სასარგებლოდ მხოლოდ 1,5 ათასი ხმა შეადგინა.
კირთაძის განცხადებით, ის არჩევნების ასეთ შედეგებს არ შეეგუება.
„ეს ნამდვილად არ იყო არჩევნები, ჩვენ არ ვაპირებთ ამასთან შეგუებას და ვაპირებთ ბრძოლის გაგრძელებას ყველა კონსტიტუციური მეთოდით, ჩვენ სხვა გზას ივანიშვილის რეჟიმი უბრალოდ არ გვიტოვებს“, - განაცხადა კირტაძემ.
ამასთან, თუ ბათუმის მერის პოსტი მმართველ პარტიას ერგო, ქალაქის საკრებულო ოპოზიციის ხელში იქნება.
საკრებულო წარმოდგენილია 35 დეპუტატით, სადაც ადგილები შემდეგნაირად გადანაწილდა: „ქართული ოცნების“ 15 წარმომადგენელი, „ერთიანი ნაციონალური მოძრაობის“ 16 წარმომადგენელი, ექს-პრემიერ გიორგი გახარიას სამი და „ლელოს“ ერთი წარმომადგენელი.
ბათუმი სიდიდით საქართველოს მეორე ქალაქია. „საქსტატის“ მონაცემებით, ბათუმის მოსახლეობა 172,1 ათასს ადამიანს შეადგენს.
შაბათს საქართველოში მუნიციპალური არჩევნების მეორე ტური გაიმართა. მოქალაქეები ირჩევდნენ მერებს 20 მუნიციპალიტეტში, მათ შორის დედაქალაქში და ოთხ დიდ ქალაქში - ბათუმში, ქუთაისში, ფოთსა და რუსთავში. გარდა ამისა, 24 ოლქში საკრებულოების 42 მაჟორიტარი დეპუტატის არჩევნები გაიმართა.