თბილისი, 30 ოქტომბერი — Sputnik. საქართველოს მასშტაბით თვითმმართველობის არჩევნების მეორე ტურში, 17:00 საათის მონაცემებით ამომრჩევლის აქტივობა 39,5%-ია. ინფორმაციას საქართველოს ცენტრალური საარჩვნო კომისია ავრცელებს.
ამ დროისთვის ხმა უკვე 825.129 ამომრჩეველმა მისცა. რეგიონების მიხედვით ყველაზე მაღალი აქტივობა პირველი ტურის მსგავსად კვლავ რაჭა-ლეჩხუმშია და 52,8%-ს შადგენს. ყველაზე დაბალი აქტივობა – 33,9% მცხეთა-მთიანეთშია.
რაც შეეხება დედაქალაქს, აქ აქტივობა 38,7%-ს შეადგენს. დედაქალაქში ყველაზე მაღალი აქტივობა დიდუბის ოლქშია, სადაც ბოლო მონაცემებით რეგისტრირებული ამომრჩევლებიდან ხმა 43,5%-მა მისცა. ამ დროისთვის ყველაზე დაბალი აქტივობა ისანშია - 34,3%.
რაც შეეხება ამომრჩეველთა აქტივობას ქვეყნის დიდ ქალაქებში, ვითარება ასეთია:
რუსთავი – 41,2%
ქუთაისი – 36,6%
ფოთი – 41,2%
ზუგდიდი – 35,9%
ბათუმი – 42,2%
საქართველოში დღეს ადგილობრივი თვითმმართველობის არჩევნების მეორე ტური მიმდინარეობს.