თბილისი, 28 ოქტომბერი — Sputnik. თბილისის მთავარ პრობლემად „Sputnik-საქართველოს" მკითხველთა უმეტესობა გზებზე „საცობებს“ მიიჩნევს – ასეთია სააგენტოს ვებ-გვერდზე ჩატარებული გამოკითხვის შედეგები.
აღნიშნულ მოსაზრებას ემხრობა გამოკითხვაში მონაწილეთა 19,4%.
მეორე ადგილზეა ავარიული სახლებისა და ქუჩის ძაღლების პრობლემა – რესპონდენტთა 15,6% სწორედ აღნიშნულ საკითხებს მიიჩნევს თბილისის ძირითად პრობლემად.
კიდევ ერთი პრობლემა, რომელიც თბილისელებს (გამოკითხვაში მონაწილეთა 14,3%) აწუხებს, უკანონო მშენებლობებია.
ქალაქის პრობლემების ჩამონათვალში ასევე მოხვდა ცუდი ეკოლოგია, არასაკმარისი საზოგადოებრივი ტრანსპორტი, ანტისანიტარია ქუჩებში და საბავშვო მოედნების ნაკლებობა.
თვითმმართველობის არჩევნების მეორე ტურის შედეგად, რომელიც 30 ოქტომბერს ჩატარდება, გაირკვევა, თუ ვინ იქნება პასუხისმგებელი თბილისის სამომავლო განვითარებასა და არსებული პრობლემების მოგვარებაზე.