ცნობილი ხდება, რომ ბუკინგემის სასახლეში ვაკანსიაა. საუბარია ადამიანზე, რომლის მოვალეობაც იქნება სასახლეში არსებული უზარმაზარი და ისტორიული ჭაღების წმენდა.
ახალი კადრის სამუშაო დრო კვირაში 20-დან 40 საათამდე იქნება, ხოლო მისი წლიური ანაზღაურება 22.600 ფუნტი სტერლინგით (30.328 აშშ დოლარი) განისაზღვრება.
ახალ კადრს მეტი დატვირთვით მოუწევს მუშაობა სადღესასწაულო პერიოდში, რადგან ამ დროს ბუკინგემის სასახლე ყოველთვის განსაკუთრებულად ემზადება. ამისთვის კი ადმინისტრაცია დამატებით ანაზღაურებას გამოყოფს.
ცნობილია, რომ სასახლეში მუშაობის დაწყებამდე დასაქმებული სპეციალურ მომზადებას გაივლის სასახლის თანამშრომლებთან, რათა ზუსტად იცოდეს ისტორიული ჭაღების და სხვა ძვირფასი ნივთების მოვლის სპეციფიკა.