გასული წლის აპრილში მეგან მარკლმა და პრინცმა ჰარიმ უარი თქვეს სამეფო მოვალეობების შესრულებაზე და საცხოვრებლად ამერიკის შეერთებული შტატები აირჩიეს. 2021 წლის იანვარში წყვილმა დაადასტურა გადაწყვეტილება ბუკინგემის სასახლეში წერილის გაგზავნით.
ამ ყველაფერთან ერთად მათ შეინარჩუნეს სამეფო ტიტულები. ბრიტანული ანტიმონარქისტული ორგანიზაცია Republic-ის ხელმძღვანელმა გრეჰემ სმიტმა სასექსის ჰერცოგებს მოუწოდა, უარი თქვან ტიტულებზე.
„ისინი გადაეცათ იმისთვის, რომ თეორიულად შეასრულონ სამეფო მოვალეობები ქვეყნის სასიკეთოდ, მაგრამ ახლა მეგანი და ჰარი ამას არ აკეთებენ. მე ვფიქრობ, რომ მათ უბრალოდ უარი უნდა თქვან ტიტულებზე”, – ციტირებს მას Express-ი.
ადრე ცნობილი გახდა, რომ პრინცი ჰარი და მისი მეუღლე მეგან მარკლი განაგრძობდნენ ფულის მიღებას სამეფო ოჯახისგანაც – 2020 წლის დასაწყისში ურთიერთობის საბოლოოდ გაწყვეტამდე.