დღეს 2021 წლის 16 ოქტომბერია, შაბათი. მზარდი მთვარე თევზების ნიშანშია. ამ დღეს პლანეტა სატურნი მფარველობს.
მოულოდნელობებით აღსავსე დღეა და ეს მოულოდნელობები იქნება როგორც სასიამოვნო, ისე არცთუ. ემოციები ხანდახან ლოგიკას დაჯაბნის, ამიტომ მოერიდეთ კამათს და მნიშვნელოვანი საქმეები შეძლებისდაგვარად გადადეთ. კარგი დღეა შემოქმედების, სიყვარულის, შეხვედრებისა და ნაცნობობისთვის, ფლირტისთვის. არის სხვისი გავლენის ქვეშ მოქცევის საშიშროება, ამიტომ ყურადღება მიაქციეთ, რომ ეს გავლენა დამოკიდებულებაში არ გადაიზარდოს.
ვერძი: ემოციებით დატვირთული დღე გელოდებათ და ეს ძირითადად სასიამოვნო ემოციები იქნება. შესაძლებელია სასიხარულო მოვლენები. არ არის გამორიცხული, რომ ხელმძღვანელობა კარიერულ წინსვლას დაგპირდეთ, ახლობლებმა რამე სასიხარულო ინფორმაცია მოგაწოდოთ... მომავლის იმედი ფრთებს შეგასხამთ. მიუხედავად ამ პლუსებისა, ემოციებმა შეიძლება დაგეგმილ საქმეებს მოგწყვიტოთ.
კურო: ვარსკვლავები გირჩევენ, ხშირად მოუსმინოთ საკუთარ ინტუიციას - ის არ გიღალატებთ. გაქვთ კარგი შანსი, რომ რამე მოგება მიიღოთ ან კარიერულ კიბეზე წინ წაიწიოთ. მაგრამ ამ შანსს იმ შემთხვევაში გამოიყენებთ, თუ გადაწყვეტილებებს გულით მიიღებთ და არა გონებით. საქმე ისაა, რომ ლოგიკური დასკვნებისთვის შესაძლოა, საჭირო ინფორმაცია რა გქონდეთ, მაგრამ ქვეცნობიერი სათანადო სიმაღლეზე იქნება.
ტყუპი: ყველაზე კარგი, რისი გაკეთებაც დღეს შეგიძლიათ, ეს ცხოვრების ახალი ფურცლის გადაშლაა. ვარსკვლავები გირჩევენ, მოძებნოთ ახალი გზები ძველი და ჩვეული პრობლემების გადასაწყვეტად და ამასთან ყოველდღიურობაში სიახლეს შეიტანთ. ამისთვის, შესაძლოა, სახლში ავეჯის გადაადგილება დაგჭირდეთ, საქმეებში ახალი სტრატეგიის შემუშავება ან გარდერობის განახლება. თუ ამას გაითვალისწინებთ, კარგ შედეგებს მიიღებთ.
კირჩხიბი: დღეს შეიძლება მოულოდნელად რაღაც სიახლე გაიგოთ, რომელიც თქვენს გეგმებში კორექტივებს შეიტანს. შესაძლოა, ეს სიახლე თქვენს პირად ცხოვრებას ეხებოდეს, ან საქმეებში რაღაც მოვლენებს უკავშირდებოდეს. ასეა თუ ისე, მოგიწევთ საწყისი გრაფიკის გადახედვა. არ არის გამორიცხული, რომ დიდი დრო დაგეხარჯოთ ახალი ამბების განხილვაზე, მათზე ფიქრზე. აქედან გამომდინარე, ადვილი არ იქნება იმის შესრულება, რასაც თავდაპირველად გეგმავდით.
ლომი: დღეს მტკიცე მოქმედებების დროა. ომი რომ მოიგოთ, ბრძოლაში უნდა ჩაებათ და ეს დღე ბრძოლის დასაწყებად საუკეთესო დროა. ვარსკვლავების წყალობით ხართ მიზანსწრაფული, უშიშარი, შეგიძლიათ საკუთარი მოსაზრებების დაცვა. მებრძოლის თვისებების წყალობით შეძლებთ საკუთარი თვალსაზრისის გატანას გარშემომყოფების წინააღმდეგობის მიუხედავად და შედეგად - გამარჯვების მოპოვებას.
ქალწული: დღეს ნებისმიერ საკითხში ეჭვი შეიძლება შეგეპაროთ. წვრილმანებშიც კი გადაწყვეტილებამდე მისვლა გაგიჭირდებათ, ამიტომ გირჩევნიათ, ასეთ შემთხვევებში საქმე გადადოთ ან სხვას გადააბაროთ. ამ ორჭოფობას სხვა, დადებითი მხარეც აქვს - არ იმოქმედებთ დაუფიქრებლად. სიფრთხილის წყალობით შეცდომების ალბათობა საქმეებში ნულს გაუტოლდება.
სასწორი: სიტუაციამ თქვენგან შეიძლება იმ საქმეების გაკეთება მოითხოვოს, რომლებიც დიდი ხნის წინ გადადეთ. შესაძლოა, არ იცით, როგორ მოიქცეთ, საიდან დაიწყოთ მათი გაკეთება. თუ ამ საქმეებს დღეს არ შეუდგებით, შეიძლება ვერც ვერასდროს გააკეთოთ. უმოქმედობასა და სიზარმაცეს გამართლებას ნუ მოუძებნით და გახსოვდეთ, რომ წინსვლას დაგროვებული საქმეების გორა უშლის ხელს.
მორიელი: რასაც არ უნდა მოჰკიდოთ ხელი, თქვენი ნიჭის დაუნახაობა ძალიან ძნელი იქნება. შეგიძლიათ ნებისმიერ საქმესთან შესანიშნავად გამკლავება, გარშემომყოფებისთვის თავის ყველაზე მომგებიანად წარმოჩენა. განსაკუთრებით ძლიერ შთაბეჭდილებას მოახდენთ მათზე, ვისაც აქამდე არ იცნობდით. ასე რომ, თუ დღეს ახალ ადამიანებთან შეხვედრა და საქმიანი მოლაპარეკებები გელოდებათ, ამისთვის საუკეთესო დღეს ვერ ნახავთ.
მშვილდოსანი: დღეს გაგიჭირდებათ ადამიანებთან ურთიერთობები - მეგობრებთან, ახლობლებთან, კოლეგებთან. თუ ვითარების გამო მათ წინაშე ახალი იდეის ან გეგმის წარდგენა დაგჭირდათ, თავი შეიძლება უხერხულად იგრძნოთ. მაგრამ ამისთვის ობიექტური მიზეზები არა გაქვთ, რადგან ირგვლივ მყოფი ადამიანები თქვენ მიმართ ძალიან კეთილგანწყობილი არიან და მათთვის საკუთარი მოსაზრებების მიწოდებაში დაბრკოლება არ შეგექმნებათ.
თხის რქა: ვარსკვლავები გირჩევენ, შემოქმედებაში გადაეშვათ. საკმარისია მხოლოდ სურვილი და არასტანდარტული იდეების გენერატორი გახდებით. არაა აუცილებელი, მაინცდამაინც მხატვარი ან მწერალი იყოთ - ნებისმიერ საქმეში, სადაც კრეატიული დამოკიდებულებაა საჭირო, თავს შესანიშნავად წარმოაჩენთ. ზუსტ მეცნიერებებთან მიმართებით ყველაფერი პირიქით იქნება, ამიტომ, თუ, მაგალითად, ბუღალტერი ხართ, აქ შემოქმედებითი "აღმაფრენები" ნამდვილად არაფერ კარგს არ მოგიტანთ.
მერწყული: ფულთან დაკავშირებით სიფრთხილეა საჭირო და არა აქვს მნიშვნელობა, ეს თქვენი თანხაა თუ სხვისი. დღეს მაცდური სურვილი გაქვთ, რომ სპონტანურად იყიდოთ ყველაფერი, რაც მოგეწონებათ, ჩადოთ თანხა სარისკო, ავანტიურულ საქმეებში. ასეთი განწყობით დღეს თქვენთვის სულ არაფერი ფულის ქარისთვის გატანება. აქედან გამომდინარე, უნდა მოერიდოთ ყველაფერს, რაც თქვენში თანხის დახარჯვის სურვილს აღძრავს.
თევზები: რასაც არ უნდა მოჰკიდოთ ხელი, ყველაფერს შესანიშნავად გაართმევთ თავს. თქვენი გონება მკაფიოდ, კომპიუტერივით მუშაობს. ამის წყალობით შეგიძლიათ არა მხოლოდ შეაფასოთ სხვისი იდეები, არამედ არაერთი საკუთარი იდეაც წამოაყენოთ. ნებისმიერ საქმეში შეგიძლიათ წინასწარ გათვალოთ რამდენიმე სვლა. ეს დაგეხმარებათ მტკიცე და უშეცდომო მოქმედებაში და საუკეთესო შედეგების მიღებაში.