თბილისი, 9 ოქტომბერი - Sputnik. ბათუმი 26 მაისის ქუჩაზე, სადაც საცხოვრებელი სახლი ჩამოინგრა, ასობით ადამიანი შეიკრიბა.
შეიკრიბნენ არა მხოლოდ ნანგრევების ქვეშ მოყოლილი ადამიანების ნათესავები და ახლობლები, არამედ მეზობელი ქუჩების მცხოვრებლებიც. ისინი შემოსაზღვრული ტერიტორიის გასწვრივ სანთელბით ხელში დგანან და მათი გადარჩენისთვის ლოცლობენ, რომლებსაც უკვე 12 საათზე მეტია, მაშველები ნანგრევებში ეძებენ. თითოეულ გადარჩენილ სიცოცხლეს კი ოვაციებით ხვდებიან.
ადამიანებითა სავსე მთელი ქუჩა. ისინი სამაშველო ოპერაციას აკვირდებიან ავტოფარეხებისა და ახლომდებარე სახლების სახურავებიდან, იუწყება Sputnik–ის კორესპონდენტი მოვლენების ადგილიდან.
ნანგრევებში, სავარაუდოდ, 10–დან 15 ადამიანია მოყოლილი, მათ შორის სამი ბავშვია. მაშველებმა ორი ადამიანის ამოყვანა შეძლეს – ქალისა და მამაკაცის. ისინი კლინიკაში არიან გადაყვანილი. პირველი მაშველებმა 2 წლის ბავშვი გადაარჩინეს, რომელიც ავტომობილში იყო, რომელსაც ბეტონის ფილები დაეცა.
შინაგან საქმეთა მინისტრმა განაცხადა, რომ დაუზუსტებელი ინფორმაციით მაშველებმა ერთი ადამიანის ცხედარი ნახეს.