თბილისი, 2 ოქტომბერი - Sputnik. საქართველოს შსს-ს თანამშრომლებმა ადგილობრივი თვითმმართველობის არჩევნების მიმდინარეობისას აღძრეს ორი სისხლის სამართლის საქმე და შეადგინეს 30-ზე მეტი აქტი ადმინისტრაციულ დარღვევებზე.
შსს-ს მონაცემებით, სისხლის სამართლის საქმეები აღძრულია ზუგდიდში ჟურნალისტების მუშაობაში უკანონო ჩარევის ფაქტზე და მარნეულის სოფელ ყიზილაჯლოში ძალადობის ფაქტზე.
გარდა ამისა, პოლიციის თანამშრომლებმა აგიტაციის წესებისა და ამომრჩევლების აღრიცხვის დარღვევის 30-ზე მეტი ფაქტი დააფიქსირეს.
კანონის მოთხოვნებიდან გამომდინარე, პოლიციის თანამშრომლებმა მოქალაქეები გააფრთხილეს და სამართალდარღვევების აქტები შეადგინეს.
ამას გარდა, თელავში საარჩევნო უბნიდან 20 მეტრში აგიტაციისთვის ერთი ადამიანი დაჯარიმდა.
საქართველოში 2 ოქტომბერს ადგილობრივი თვითმმართველობის არჩევნები ტარდება. საქართველოში ადგილობრივი თვითმმართველობის არჩევნები ტარდება. პროცესს აკვირდება 31.310 დამკვირვებელი 100 ადგილობრივი ორგანიზაციიდან და 1.024 დამკვირვებელი 52 საერთაშორისო ორგანიზაციებიდან.