თბილისი, 11 სექტემბერი – Sputnik. ავღანეთის ქალთა ორკესტრის ევაკუაცია თალიბების მძინარე მეთაურის გამო ვერ მოხერხდა, იუწყება The Wall Street Journal.
ამერიკელი სამხედროები მზად იყვნენ გაეწიათ დახმარება და ანსამბლი ქვეყნის ფარგლებს გარეთ გაეყვანათ, კოლექტივის წევრებს ამისათვის ცალკე ავტობუსიც გამოუყვეს. ქალები აეროპორტამდე მიიყვანეს, მაგრამ საკონტროლო გამშვებ პუნქტზე ისინი თალიბებმა შეაჩერეს. მათ არ გაატარეს ავტობუსი, რადგან ამისათვის იყო საჭირო მეთაურის ნებართვა, რომელსაც იმ დროს ეძინა. თალიბებმა კი მისი გაღვიძება ვერ გაბედეს.
შედეგად ქალთა ორკესტრი ავღანეთის ტერიტორიაზე დარჩა.
აგვისტოში ავღანეთიდან ამერიკული სამხედრო კონტინგენტის გაყვანის ფონზე „თალიბანმა“ ყველა დიდი ქალაქი და სასაზღვრო გადასასვლელი დაიკავა და ოცწლიანი ომის დასრულების შესახებ განაცხადა.