თბილისი, 30 აგვისტო — Sputnik. ტერორისტულმა დაჯგუფება „ისლამურმა სახელმწიფომ“ საკუთარ თავზე აიღო ორშაბათს, დილით ქაბულის აეროპორტზე განხორციელებული სარაკეტო დარტყმები, იუწყება სააგენტო Reuters-ი.
სააგენტოს ინფორმაციით, ამის თაობაზე თავად „ისლამურმა სახელმწიფომ“ გაავრცელა განცხადება, რომლის თანახმადაც დაჯგუფებამ ჯამიდ ქარზაის სახელობის აეროპორტის მიმართულებით ექვსი რაკეტა გაუშვა.
მანამდე CNN-მა ამერიკელ ჩინოვნიკზე დაყრდნობით გაავრცელა ინფორმაცია, რომ ორშაბათის დილით ქაბულის აეროპორტს რამდენიმე რაკეტა ესროლეს, რომელთაგან ხუთი ამერიკულმა რაკეტსაწინააღმდეგო თავდაცვის სისტემამ ჩაიჭირა.
ტელეარხ Al-Jazeera-ს ცნობით, რომელიც „თალიბანში“ არსებულ წყაროს ეყრდნობოდა, ერთი რაკეტა აეროპორტის ტერიტორიაზე ჩამოვარდა.