თბილისი, 24 აგვისტო – Sputnik. ჩხოროწყუს მუნიციპალიტეტში 24 წლის მამაკაცი მოკლეს, იუწყება „პირველი არხი“.
შემთხვევა ჩხოროწყუს მუნიციპალიტეტის სოფელ ხანწკის მიმდებარედ გვიან ღამით მოხდა. გავრცელებული ინფორმაციით, ახალგაზრდა მამაკაცს ჭრილობა ცივი იარაღით მუცლის არეში მიაყენეს.
მკვლელობის მიზეზად პირადი უთანხმოება დასახელდა. მომხდარს წინ ურთიერთშელაპარაკება უძღოდა. დამნაშავე შემთხვევის ადგილიდან მიიმალა. მის დასაკავებლად აქტიური საგამოძიებო მოქმედებები მიმდინარეობს.
გამოძიება საქართველოს სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.