თბილისი, 16 აგვისტო — Sputnik. კორონავირუსული დაავადება COVID-19-ის გადატანის შემდეგ ბევრი პაციენტი უჩივის თმის ცვენასა და ფრჩხილების გაფუჭებას, რაც ავადმყოფობიდან დაახლოებით ერთი თვის თავზე იჩენს თავს, წერს მედიცინის მეცნიერებათა კანდიდატი, ენდოკრინოლოგი ზუხრა პავლოვა საკუთარ ტელეგრამ-არხზე.
მისი თქმით, ყველა პაციენტი თმების თანაბრად შეთხელებას უჩივის, რასაც ექიმები დიფუზურ ალოპეციას უწოდებენ. რაც შეეხება ფრჩხილებს, ისინი იქერცლება და ტყდება.
„ეს ყველაფერი არის სურათი იმისა, თუ როგორ რეაგირებს ორგანიზმი უძლიერეს სტრესზე. კორონავირუსის შემთხვევაში სტრესი გამოწვეულია როგორც თავად ვირუსული ინფექციით, ისე მასთან დაკავშირებული ნერვული გარემოთი, მეტაბოლური დარღვევებითა თუ სერიოზული მკურნალობით“, — განმარტავს ენდოკრინოლოგი.
სპეციალისტი ამბობს, რომ ორგანიზმის ამგვარი რეაქციის შესუსტება, სამწუხაროდ, შეუძლებელია. შესაბამისად, თმები დაახლოებით სამი-ოთხი თვის განმავლობაში განაგრძობს ცვენას, რასაც უბრალოდ უნდა შეეგუოთ. შეგიძლიათ ამ ხნის განმავლობაში უბრალოდ მოამზადოთ თავი ახალი თმების ამოსაყვანად.
პავლოვას განმარტებით, ეს სამზადისი ნიშნავს შემდეგს:
ამასთან ენდოკრინოლოგი წერს, რომ თუ კოვიდის შემდეგ თმებისა და ფრჩხილების პრობლემები შენიშნეთ, კარგი იქნება, თუ ექიმს გაესინჯებით, რათა დარწმუნდეთ, რომ ფარისებრი ჯირკვალი წესრიგში გაქვთ და არც ანემია გჭირთ.
თუ სპეციალისტის ყველა რეკომენდაციას შეასრულებთ, ავადმყოფობიდან დაახლოებით ექვსი თვის შემდეგ თმებმა თავიდან გაზრდა უნდა დაიწყოს. პირველ რიგში ამას საფეთქლებზე წამოზრდილი ღინღლით შენიშნავთ.