თბილისი, 14 აგვისტო – Sputnik. საქართველოში დაწესებული შეზღუდვები ეპიდვითარებას 80%-მდე გააუმჯობესებს, განუცხადა ჟურნალისტებს ჯანდაცვის მინისტრმა ეკატერინე ტიკარაძემ.
საქართველოში 14 აგვისტოდან ამოქმედდა რამდენიმე შეზღუდვა, მათ შორის საზოგადოებრივი ტრანსპორტის მუშაობაზე.
„ვთვლით, რომ დღეს დაწყებული შეზღუდვები 80%-მდე გააუმჯობესებს იმ ეპიდვითარებას, რომელიც ამ ეტაპისთვის გვაქვს. თუმცა იმისთვის, რომ ჩვენ ეს ფაქტობრივად დავინახოთ, საჭიროა გარკვეული პერიოდი - დაახლოებით 2 კვირა“, - განაცხადა ტიკარაძემ.
საქართველო კორონავირუსის მეოთხე ტალღას ებრძვის. გაზაფხულზე ქვეყანამ კორონავირუსის მესამე ტალღა გადაიტანა, თუმცა ყველაზე მძიმე იყო მეორე ტალღა 2020 წლის შემოდგომაზე, როდესაც ინფიცირების დღიური მაჩვენებელი 4–5 ათასს აღწევდა. ამ ეტაპზე ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს.
ინფიცირებულთა რაოდენობის მკვეთრი ზრდის აღსაკვეთად ხელისუფლებამ 14 აგვისტოდან რამდენიმე შეზღუდვა დააწესა:
შეზღუდვები 4 სექტემბრამდე გასტანს.