თბილისი, 2 ივლისი — Sputnik. ადამიანებით ვაჭრობაში ბრალდებით თბილისში 37 წლის მამაკაცი დააკავეს, იუწყება საქართველოს შინაგან საქმეთა სამინისტრო.
გამოძიებამ დაადგინა, რომ დაკავებული მატერიალური სარგებლის მიღების მიზნით 45 წლის მამაკაცს მათხოვრობას სისტემატურად აიძულებდა.
დაზარალებული მოწყალებას ყოველდღე ითხოვდა, მოგროვებულ ფულს კი ბრალდებული ისაკუთრებდა.
შსს-მ გაავრცელა ბრალდებულის სატელეფონო საუბარი მსხვერპლთან, სადაც ისმის, როგორ მოითხოვს ის საჭირო თანხის სასწრაფოდ შეგროვებას ნარკოტიკისთვის.
სისხლის სამართლის საქმე აღიძრა ადამიანებით ვაჭრობის მუხლით, რომელიც 7-დან 12 წლამდე პატიმრობას ითვალისწინებს.