თბილისი, 28 ივნისი - Sputnik. რუსეთის ვირუსოლოგიისა და ბიოტექნოლოგიის სახელმწიფო ცენტრ „ვექტორმა“ ვაქცინა „ეპივაკკორონა-Н“-ის რეგისტრაციაზე დოკუმენტები შეიტანა. ნათქვამია რუსეთის ჯანდაცვის სამინისტროს სამკურნალო საშუალებათა სახელმწიფო რეესტრში.
ჩანაწერის თანახმად, საუბარია პეპტიდური ანტიგენების საფუძველზე დამზადებულ COVID-19-ის საპროფილაქტიკო ვაქცინაზე, რომელიც კუნთებში შესაყვანად სუსპენზიის ფორმითაა გამოშვებული „1 დოზა/0,5 მილილიტრი“.
რუსეთის ჯანდაცვის სამინისტრომ ცენტრ „ვექტორის“ მიერ შემუშავებული „ეპივაკკორონა-Н“ ვაქცინის კლინიკური კვლევების პირველი და მეორე ფაზების ჩატარების ნებართვა გასცა.
რეესტრის თანახმად, კლინიკური კვლევები 8 აპრილს უნდა დაწყებულიყო და 2021 წლის 30 სექტემბრამდე დასრულებულიყო.
სულ რუსეთში ხელმისაწვდომია სამი პრეპარატი: „ეპივაკკორონას“ გარდა, ესენია „სპუტნიკV“ და „კოვივაკი“. არსებობს ასევე „სპუტნიკ ლაითი“, რომელიც რევაქცინაციისთვისაა რეკომენდებული.