თბილისი, 23 მაისი – Sputnik. ტურინის ხელისუფლებამ იტალიური ჯგუფ Maneskin-ის „ევროვიზიაზე“ გამარჯვების შემდეგ გაისად კონკურსის მასპინძლობის სურვილი გამოთქვა.
სასიმღერო კონკურსის ფინალში იტალიური ჯგუფი Måneskin სიმღერით Zitti E Buoni წარდგა და 524 ქულა დააგროვა. იტალია „ევროვიზიის“ კონკურსს მესამედ იგებს, ბოლოჯერ მან გაიმარჯვა 31 წლის წინ - 1990 წელს.
„გამოცხადებამდე ჩვენ დღეიდან ვიწყებთ მუშაობას ტურინის კანდიდატურაზე“, - დაწერა Twitter-ზე ქალაქის მერმა კიარა აპენდინომ.
როგორც იტალიური გამოცემები აღნიშნავენ, სახელმწიფო ტელერადიოკორპორაციის პირველი არხის (Rai) დირექტორმა სტეფანო კოლეტამ კონკურსის ფინალამდე განაცხადა, რომ „ევროვიზიის“ ტურინში ჩატარების შესაძლებლობა განიხილებოდა 2017 წელს, როდესაც ფავორიტად მომღერალი ფრანჩესკო გაბანა მიიჩნეოდა.
„ჩვენ მაშინ ერთი-ორი შეხვედრა ჩავატარეთ და საუკეთესო ვარიანტი იყო ტურინი“, - განაცხადა კოლეტამ პრესკონფერენციაზე.
Maneskin-ს გამარჯვება მიულოცა კიჯის სამთავრობო სასახლემ და იტალიის საგარეო საქმეღა სამინისტრომ. მილოცვებს შეუერთდა „ევროვიზიის“ ბოლო იტალიელი გამარჯვებული, ტოტო კუტუნიო.
„როგორც იქნა, შემიძლია გადავცე ესტაფეტა Maneskin-ს, რომლებმაც 31 წლის შემდეგ იტალიური სიმღერის „ტრიკოლორით“ „ევროვიზიის“ პრესტიჟული კონკურსი მოიგეს. ყოჩაღ, ახალგაზრდებო. გისურვებთ წარმატებებს კარიერაში. წინ, იტალიავ, გაუმარჯოს მუსიკას“, - დაწერა მან თავის Facebook-გვერდზე.