თბილისი, 17 მაისი – Sputnik. საქართველოს უკრაინის პრემიერ-მინისტრი დენის შმიგალი ეწვევა, ნათქვამია საქართველოს საგარეო საქმეთა სამინისტროს ვებ-გვერდზე.
უკრაინის მთავრობის მეთაურმა მოწვევა საქართველოს საქმეთა მინისტრისგან დავით ზალკალიანისგან კიევში გამართულ შეხვედრაზე მიიღო.
შეხვედრაზე მხარეებმა განიხილეს სხვადასხვა სფეროში ორმხრივი ურთიერთობების აქტივიზაციისა და გაღრმავების შესაძლებლობები. აღინიშნა, რომ უკრაინა ინარჩუნებს წამყვან პოზიციას საქართველოს სავაჭრო პარტნიორებს შორის.
ხაზი გაესვა ქვეყნებს შორის ეკონომიკური თანამშრომლობის შემდგომში გააქტიურებისთვის მთავრობათშორისი ეკონომიკური კომისიის გამართვის დადებით პრაქტიკას.
საქართველომ და უკრაინამ დიპლომატიური ურთიერთობები 1992 წლის ივლისში დაამყარეს. იმ დროიდან ქვეყნებს შორის 105 ორმხრივი და მრავალმხრივი შეთანხმება გაფორმდა. ქვეყნებს შორის თავისუფალი ვაჭრობის რეჟიმი მოქმედებს.