თბილისი, 23 მარტი - Sputnik. შინაგან საქმეთა სამინისტროს გენერალურმა ინსპექციამ სამსახურებრივი შემოწმება დაიწყო თურქეთის მოქალაქის საქმესთან დაკავშირებით, რომელსაც ქართველმა მესაზღვრეებმა საქართველოში შემოსვლაზე უარი უთხრეს და თან შეურაცხყოფა მიაყენეს. ამის შესახებ იუწყება ტელეარხი Formula TV.
ინციდენტი თბილისის საერთაშორისო აეროპორტში სამშაბათს დილით მოხდა. ქართველმა მესაზღვრეებმა უარი უთხრეს ქვეყანაში შემოსვლაზე ახალგაზრდა ქალს, რომელიც თურქეთიდან თბილისში დისტანციურ სამუშაოზე ჩამოვიდა. ამასთან ისინი მას მოექცნენ ძალიან უხეშად, არანორმატიული ლექსიკის გამოყენებით, და უკან დაბრუნება ურჩიეს. გოგონას მხრიდან პროტესტის მიუხედავად, მესაზღვრეები უმტკიცებდნენ მას, რომ „ის არავინაა და არანაირი უფლებები არ გააჩნია“ და ისინი „საზღვრის ღმერთები არიან“.
სკანდალური დიალოგი სოციალურ ქსელებში მოხვდა და დიდი რეზონანსი გამოიწვია. მომხმარებლებმა შსს-ს და ტურიზმის ადმინისტრაციას სასწრაფო რეაგირება მოსთხოვეს.
მესაზღვრეების მოქმედებას გენინსპექცია სწავლობს. რაც შეეხება ქვეყანაში შემოსვლაზე უარს, შსს-ში აცხადებენ, რომ ქალს უარი „უცხოელთა და მოქალაქეობის არმქონე პირთა სამართლებრივი მდგომარების შესახებ” საქართველოს კანონის საფუძველზე ეთქვა.