თბილისი, 21 ივლისი — Sputnik. თბილისში, ე.წ. ალექსანდროვის ბაღში შაბათს, 25 ივლისს გაიმართება ვინტაჟური ნივთების ღამის ბაზრობა Tbilisi Night Market.
ორგანიზატორების თქმით, Tbilisi Night Market საუკეთესო სივრცეა იმისათვის, რომ გავიცნოთ ახალი საინტერესო ადამიანები, გავყიდოთ საკუთარი ნივთები ან შევიძინოთ ის, რისი შეძენაც არ შეგვიძლია მაღაზიებში.
„ზაფხულის საღამოს მეგობრებთან ერთად მოდით ალექსანდროვის ბაღში, ერთად გავაცილოთ მზე თბილისის თავზე და შევხვდეთ ვარსკვლავებიან ღამეს, მოვუსმინოთ მუსიკას და გავგრილდეთ გემრიელი სასმელით“, – ნათქვამია ორგანიზატორების განცხადებაში.
ბაზრობაზე მონაწილეობის მიღება ნებისმიერ მსურველს შეუძლია. ღონისძიება 18:00 საათზე დაიწყება და ღამის ორ საათამდე გაგრძელდება.